تعالوا نفتكر(2)البدايه
 

السلام عليكم ورحمة الله وبركاته انا جاتلى فكرة موضوع هو بداية التزام كل واحده او واحد فينا وكانت ايه هي حكاية ا لالتزام سواء كانت اتحجبت متاخرا او ابتدت تطلع على الكتب الدينيه وتحضر دروس علم وكذلك سواء بدا يلتزم ويصلى فى المسجد ويرافق اصدقاء صالحين وكل حكايه اكيد صحبتها او صاحبها لما حتحكيها او حيحكيها حتفتكر وحيفتكر امتى ربنا حبها وحبه وحب يقربها ويقربه ليه وامتى اخترها واختاره علشان تكون ويكون من التوابين والصالحين واكيد لما كل واحده او واحد فينا حتفتكر وحيفتكر لو هيه ناسيه او ناسى حترجع وحيرجع تقرب ويقرب تانى من الرحمن اللى كانت رحمته بيها وبيه اكبر من الدنيا وما فيها وانا حبتدى بنفسى انا اتحجبت وانا فى 3 اعدادى وابتديت الالتزام الفعلى وانا فى الجامعه فى سنه تانيه عمرى ما حنسى يوم ما حضرت درس عن وفاة رسول الله صلى الله عليه وسلم وفى اليوم ده اتهزيت جدا وحسيت اد ايه ان رسول الله عظيم واد ايه الله سبحانه وتعالى كريم ومن وقتها واظبت على دروس المسجد وسماع حلقات الداعيه عمرو خالد ولاقيت ان كل ده ما اشبعش رغبتى فى طلب العلم الشرعى فقررت ان بعد الجامعه التحق بمعهد اعداد الدعاه وكانت دى نعمة ربنا سبحانه وتعالى عليا وانا دلوقتى بفضل الله فى السنه الرابعه بمعهد اعداد الدعاه وبامتحن واخيرا اسالكم الدعاء بالتوفيق والثبات وياللا عايزه اسمع حكاياتكم.

جزاك الله الجنه اخى كريم
وانا وكل اخوتى فى انتظار روايتك لقصة التزامك

جزاك الله الجنه على المشاركه الطيبه والكلمات التى اعجز عن الرد عليها
واسال الله العظيم رب العرش الكريم ان يجعلنى خير مما تظنون ويغفر لى ما لاتعلمون

جزاكى الله الجنه اختى تسنيم
على مشاركتك

جزاكى الله الجنه يا فاطمه وثبتك الله على الطريق القويم