|
حـوار بـيـن اثنين سـمـعـهـم ثـقـيـــــل :mf_laughbounce:حـوار بـيـن اثنين سـمـعـهـم ثـقـيـــــل تخيلوا لو اثنين سمعهم ثـقيل يتكلموا مع بعض!! ايه اللي ممكن يحصل ؟ تعالوا نشوف.... اثنين مصريين سمعهم ثقيل جداً واقفين على محطة الأتوبيس ودار بينهم الحوار التالي : الأول : الأتوبيس ده بيروح مــصر الجديدة؟ الثاني : على الحديدة !! ليه انت طالب احسان ؟ الأول : بذرة الكتان !! لا ..دي تلاقيها عند العطار الثاني : جزار!! اه ..قوللي كده .. عايز تشتري لحمة الأول : معك حق.. الدنيا زحمة ..علشان ده ميعاد خروج الموظفين الثاني : نور الدين !! لا والله .. ماعرفوهش الأول : ما بتشربوش!! ليه .. كفا الله الشر الثاني : رأس البر !!! ده مــصيف هادي الأول : عايز تركب للمعادي ... دي منطقة جميلة الثاني : بليلة !! انت شكلك كده جعان الأول : عيان!!! أي والله .انت باين عليك عيان ..طيب ما تروح للدكتور الثاني: الحنطور!! ده احسن من الأتوبيس وبيوصلني لحد الباب الأول : هبــــاب !!! وانا اللي كنت فاكرك محترم الثاني : اتخـرم !! هو مين ؟؟ الأول : عاوز اسـبرين ! ليه انت عندك صداع ؟ الثاني : قراع !!! ينهار اسود . ده مرض خطير الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي الثاني: خالي !!! انت تعرف خالي ؟ ده راجل كبير في السن الأول : الجن !!! نهارك مش فايت ..انت عليك عفريت .!؟ الثاني : لا والله ..ممعاييش.. انت عايز الكبريت ليه ؟ عايز تولع؟ الأول : أدلع !!! أدلع عليك انت!؟ انت ما تملاش عنيا الثاني : يقبضوا عليا !! ليه !؟ الأول : انت غريب يا راجل انت..شكلك شحات ( يدفعه من القميص) روح اشتغل شغلة تاكل منها عيش الثاني : خيش !!! والله ده صوف انجليزي الأول: بنتك زيزي !!! ربنا يخلي.... الثاني : أنتاج محلي !!!! ده مستورد يمر شاويش من بتوعنا ... يلفت انتباه الحوار : بتعمل ايه يا جدع منك له!!! الاتنين: ايوة يا شاويش ...احنا مستنين الأتوبيس الشاويش:::جواسيس !!!! نهاركم مش فايت ....قدامي على القسم بسرعة |
هههههههههههههههههههههههههههههه قرعة ؟؟؟ هما طالعين الحج ولا ليه ؟؟ مشكور اخي الكريم فارس علي المواقف الظريفة |
هههههههههههههه اضحك الله سنك اخى فارس |
ههههههههههههههه اضحك الله سنك اخي ****** فارس اضحكتني كثيرا وننتظر مشاركتكم الرائعه هذه في ملتقي السوالف |
شكرا لكم احبابي مروركم الطيب وكل عام وانتم بخير |
اقتباس:
ادواتك ؟؟ ليه يا عم انت بتشتغل ايه ؟؟؟ بيه ؟ يا عم الله يكرمك ده انت راجل تمام همام ؟ همام مين انا معرفش حد اسمه كده رضا ؟ الحمد لله علي الرضا والستر بدر والله ده انت اللي زي القمر وسلام عليكم بقي |
ههههههههههههههه طلعوا سمعهم ثقيل ومطيِّن ههههههههههههههه مشكورين اخي فارس واختي قلبظ ، امتعتونا والله . |
هههههه جميلة والله احنا في قصة كذا نكتة العيلة كلها سمعها ثقيل بس مش حافظتها ان شاء الله انفلها لكم العلية كلها طرشة وتعبر على اللي جواها بس فلو حدث معانا قصة زي كدا نقول على طول الظاهر صرنا عيال الاطرش |
ههههههههههه شكرا لكل اللي شرفوا الموضوع بالطريقة الجميلة دي.. لقد زاد المو ضوع جمالا بمشاركتكم الطيبة.. شكرا.. |
رد: حـوار بـيـن اثنين سـمـعـهـم ثـقـيـــــل جزاك الله خيرا |
For best browsing ever, use Firefox. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
الحقوق محفوظة لشبكة ملتقى أهل العلم الاسلامي
