ملتقى أهل العلم - قصيدة لشاعر متاثر بالكمبيوتر

بـــســـم الله الــرحــمــن الـرحـــيــم

السلام عليكم ورحـمـة الله وبركاته

يا اخوان انا علاقتي بالكمبيوتر واخباره فقط لكن عجبتني هذه القصيدة الطريفة من احد المهتمين والمتيمين بالكمبيوتر وددت ان انقلها لكم لطرافتها عسى ان تنال اعجابكم ... واني اتمنى ان تشرفوني في ملتقى التقنية

فيروس هجرك عطل القلب تعطيـل = ودمر ملفات الفـرح فـي حياتـي
ياللي سكنت القلب من دون تحميـل = متـى لموقعنـا تشـرف وتـاتـي
عنوانكم ماهـوب ياهـو وهوتميـل =عنوانكـم روحـي و قلبـي و ذاتـي
كم مرةٍ أرسلـت لـك عبر الإيميـل = وأدورك فـي منتـداي و شـاتـي
وأرسلت لك يازين فايـلٍ ورى فايـل =فيها الغلا والحـب يا أغـلى أمنياتـي
وأرسلت لك قصة عذابي مع الريـل = ياللي غيابك هـو سبايـب شقاتـي
دايم عليك أبحـث بياهـو و جوجـل = وأنـت ولا تسـأل علينـا بتـاتـي
خابرك بنتيوم فـور أصلـي و إنتيـل = لكن خسـارة غيـروك الوشاتـي
وكان الهكر غروك بالقـال والقيـل = بأدعي عليهم في سجودي وصلاتي
ياجعلهـم بقعـاء وطيـرٍ أبابـيـل = ترمي عليهم بأمـر ربـي حصاتـي
يرضيك من حبك غدى منهك الحيـل = ريقي غدى ناشف ويبسـت شفاتـي
أقضي الليالي دمع عينـي هماليـل = لا مـن طريتيلـي تـبـدد مبـاتـي
صحـراي جفـت مالفانـا مخاييـل = وأنت المزون اللـي تـروّي نباتـي
وياشين حالي لا قريـت المراسيـل =في الأوتلوك أذكر قصص ماضياتي
منك حزين الحرف شـاف البهاذيـل =وقلبك مثل قرصٍ صلب في القساتي
موقعك في وجهـي مقفـل بتقفيـل = حتى البروكسي مانفـع وش سواتـي
بمفضلـة قلبـي عطينـاك تفضيـل =أنـت المفضـل عندنـا يا غنـاتـي
ويا زين هجرك عطل القلب تعطيـل=ومن غير شوفك وش تساوي حياتي
كني بدونك قرص فـارغ ولا فيـل = فاسـد ومرمـي بسلـة المهملاتـي
ماعدت أفرق بين اكسس و أكسيـل =وماعدت أفرق بيـن بلتـك وشاتـي
وباشكي على الكيبورد كثر الغرابيل = وأكتب على الوورد المطور وصاتي
وهذي النهاية حطها وسـط تظليـل =لا مـت ف غيابـك سبايـب مماتـي

وسلامتكم
منقول